Taserwest neɣ tafeltira deg umezgun n Ǧamal Benɛuf : Bu Tfuset akked Aneggaru ad yerr tawwurt d imedyaten.

Résumé

Ǧamal Benɛuf d yiwet seg tgejda n umezgun n teqbaylit, ladɣa s tsuqilin d tserwestin i yexdem i tmiga n yimura igraɣlanen yettwasnen, am tmezgunin n Johann Wolfgang von Gothé akked Tawfiq Lḥakim. Amagrad-a d tasleḍt n yiberdan i yeḍfer Ǧamal Benɛuf yellan daɣen d amsezgan^[1], d ameskar n usayes, d azeffan^[2] akken ad d-yerr kra n tmezgunin tigraɣlanin ɣer tutlayt taqbaylit d usekcem n usugnen n umdan aqbayli. Ad d-nesken iberdan i yeḍfer umaru Ǧ. Benɛuf deg lebni n tmiga n tmezgunin-ines akken ad sɛunt tisektiwin^[3] yemgaraden. Iswi n umagrad-a d askan n wazal n tulmisin d wazal n yiberdan i yeḍfer deg usnulfu-ines aseklan.

[1] Dramaturge.

[2] Comédien.

[3] Dimensions.